Kreu i Partisë Demokratike, Lulzim Basha, pak minuta më parë, ka zbuluar detaje të tjera në lidhje me policin e arrestuar si pjesë e bandës së trafikut të drogës, sot në Velipojë.
Basha shkruan se Prel Enriko Zyla ka qenë i dënuar për trafik dhe shpërndarje droge në Romë dhe ka vuajtur dënimin në burgun e Rebibbias.
“Polici mbrohej nga Habilajt në kohën e Tahirit dhe pas ardhjes së Fatmir Xhafës kaloi nën mbrojtjen dhe shërbimin e vëllait të Xhafës, Agronit”,-shkruan Basha.
Postimi i Bashës:
Burime të sigurta informojnë se:
“Prel Enriko Zyla ka qenë i dënuar për trafik dhe shpërndarje droge në Romë, Itali, dhe ka vuajtur dënimin në burgun e Rebibbias.
Partnerët e kanë ngritur disa herë këtë cështje, por personi ashtu si shumë të inkriminuar të tjerë në Polici mbrohej nga HABILAJT në kohën e TAHIRIT dhe pas ardhjes së FATMIR XHAFËS kaloi nën mbrojtjen dhe shërbimin e vëllait të XHAFËS, AGRONIT.
