Disa minuta më parë, ish kryeministri Sali Berisha ka publikuar në faqen e tij në Facebook një denoncim të bërë nga qytetari dixhital. Bëhet fjalë për një ngjarje që ka ndodhur në qytetin e Vlorës.
Sipas denoncuesit, rreth orës 23:00 në mbrëmje të datës 2 shkurt, një efektiv i Gardës është dhunuar në vendin e njohur si Kapelja. Qytetari dixhital shkruan se autori i ngjarjes është i biri i një efektivi policie, e për këtë policia po e mban ngjarjen e fshehtë dhe nuk jep informacion.
Denoncuesi shprehet se efektivi i Gardës është në gjendje të rëndë, sidomos gjymtyrët. Në momentin e mbërritjes në spital, i kanë thënë se mjekët janë pushim gjatë fundjavës dhe do e vizitojnë të hënën pas orës 10:00./E.L
