Ish-kryeministri Sali Berisha ka publikuar të dhëna sipas tij, të komunikimeve telefonike të kryeministrit Rama me Behar Bajrin. Bajri është një nga anëtarët e grupit kriminal të Shkodrës, pjesëtarë të të cilit u arrestuan nga policia. Sipas Berishës, bisedat zhvillohen për mbrojtjen e Safet Bajrit në mediat pro qeveritare. Ky i fundit rezulton si një nga personat më të kërkuar në Belgjikë.
Në denoncim thuhet se pjesëtari i grupit kriminal të ‘Bajrit’, emëronte edhe shefat dhe drejtorët e Policisë në këtë qark.
Po ashtu përmendet edhe ndikimi i madh që kjo bandë ka pasur në rendin e Shkodrës. Sipas denoncimeve në adresë të Berishës, të gjithë punonjësit e Policisë kanë pasur djeni për aktivitetet e paligjshme dhe kriminale te ‘Bajret’.
