Ish-kryeministri Sali Berisha, ditën e sotme, ka publikuar një tjetër denoncim në lidhje me ish-ministrin e Brendshëm, Saimir Tahiri dhe përpjekjet e këtij të fundit, për të negociuar me kryeministrin Edi Rama për mos arrestimin e tij.
Përmes një shënimi në Facebook, referuar qytetarit digjital, Berisha shkruan se biznesmeni Gaz Demi ka shkuar në zyrën e kryeministrit Rama, me porosi të Tahirit, për të ndërmjetësuar edhe pse biseda mes tyre mbetet e errët.
“Gaz Demi vazhdon ndermjetesimin midis Sajmir Tahirit dhe Edvinit!,
Punonjesi dixhital informon se sot ne zyren e tij, Edvini pati nje takim me Gaz Demin, ndermjetesin famoz, me te cilin Saimir Tahiri kercenoi naten e Opinionit Ramen per publikimim, ne rast se do ta leshonte, te 5 dosjeve kunder tij dhe narko-pushtetareve te tjere.
Por, ne rast se dihet se Gazi sot ishte perseri i derguari i Saimirit, biseda e zgjatur e tij me Ramen mbetet e erret! Sb” – shkruan Berisha
