Kalimi gjatë natës në Rrugën e Kombit është shndërruar në një problem serioz për shumë drejtues automjetesh, pasi disa njerëz ende të paidentifikuar nga policia, qëllojnë me mjete të forta makinat që kalojnë.
Lajmi është bërë publik në rrjetin social Facebook nga ish-kryeministri Sali Berisha, i cili, duke iu referuar denoncimit të qytetarit digjital, shkruan se bandat po bëjnë ligjin në Rrugën e Kombit.
Berisha thekson se pavarësisht denoncimit të drejtuesve të mjetit tek forcat e policisë, këtë fundit nuk e kanë marrë aq seriozisht ngjarjen.
Ja çfarë shkruan ish-kryeministri Sali Berisha:
Bandat bejne ligjin ne Rrugen e Kombit!
Policia e ndihmon me sehir!
Lexoni mesazhin e qytetarit dixhital! sb
“Pershëndetje, shokë,miq e jarana, parmbrame me mjetin tim transportus isha duke u kthyer nga durresi drejt per ne kosove, dhe papritmas një grup prej 3,4 personave me sulmuan me gurë,por për fat te mire nuk pësova fizikisht unë por vetem deme materiale, rasti me ka ndodhur ne Milot siper ures, njo dy kilometra vazhdova dhe takova nje postbllok policor i tregova ngjarjen qe me kishte ndodhur po hasa ne vesh te shurdher, andaj bashkqytetar ju lutem nese mundeni ju lutem qe tju shmangeni udhtimet gjatë nates.”
