Në lidhje me ngjarjen e rëndë të Elbasanit ku u godit makina e zv/drejtorit të policisë Gjrgji Oshafi, ish-kryeministri Berisha shkruan se personi i dyshuar Suel Cela është larguar jashtë vendit.
Përmes një statusi në facebook ai thotë se: “Çunat e krimit kanë derguar jashte vendit vrasesin Suel Çela”. Më tej Berisha publikon mesazhin që i ka dërguar një oficer policie në Rinas.
“Lexoni mesazhin e oficerit dixhital! sb
“Pershendetje doktor jam oficer policie,nje punonjese aeroportit me informon se Suel Çela ka ikur i percjelle nga policia qe ne date 18 nga Rinasi
Prokuroria ka ardhur per te marre filmimet e kamerave. Gje qe nuk i ka pelqyer policise. Nuk e di nese eshte i rregjistruar ne TIMS”
Mbrëmjen e 18 Shtatorit në Elbasan, makina e zv/drejtorit të Policisë Gjergji Oshafi u godit nga një Audi A8 e blinduar. Makina në pronësi të pronarit të tregut të Elbasanit Petrit Cela është sekuestruar, ndërsa i dyshuar si autor i ngjarjes është i biri Suel Cela. Emrin e tij nuk ka guxuar ta përmendë deri tani as prokuroria as policia në komunikat zyrtare vetëm selia e PD dhe vetë Sali Berisha. Hetimet për këtë ngjarje të rënda janë duke u ndjekur nga Krimet e Rënda.
