Një vajzë e mitur 12 vjeçe nga Korça në prani të prindërve ka denoncuar një 25 vjeçar për ngacmim seksual. Policia tha se ka arrestuar 25 vjeçarin Xhevat G. pas denoncimit të vajzës së mitur. Ai akuzohet për vepra të turpshme. Vajza e vogël u ka thënë oficerëve se Xhevati ka hyrë në banesën e saj dhe e ka prekur në pjesët intime të trupit.
Njoftimi i policisë
Specialistët e Seksionit për Krimet në Komisariatin e Policisë Korçë bënë kapjen dhe arrestimin e shtetasit: Xhevat G. 25 vjeç, banues në Korçë. Arrestimi i tij u bë pas kallëzimit të bërë nga një shtetase 12 vjeçare e cila ka deklaruar se më datë 01.11.2017 shtetasi i mësipërm ka kryer me këtë të fundit, në banesën e saj veprime të turpshme.
Sqarojmë se kallëzimi është bërë më datë 05.11.2017 nga kjo shtetase, pranë Komisariatit të Policisë Korçë. Materialet i kaluan Prokurorisë të Rrethit Gjyqësor Korçë për veprën penale : “Vepra të turpshme” parashikuar nga neni 108 i Kodit Penal.
*Foto ilustruese
