Gjykata e Tiranës ka dënuar me tre vjet burg 36-vjecarin që kishte abuzuar seksualisht me motrën e tij, nga ana e nënës.
Ilir Sherifi, nga Tirana u shpall fajtor nga gjykata e Tiranës dhe u dënua me 3 vite burgim, pasi ngacmonte seksualisht motrën e tij nga ana e nënës, e cila ishte minorene 15 vjeçe.
Nga shqyrtimi i çështjes rezultoi se Sherifi kishte konsumuar disa herë veprën penale, derisa e mitura ishte detyruar të largohej nga banesa pas debateve që kishte patur edhe me persona të tjerë të familjes.
Në një prononcim për Top Cannel, psikologia Ariana Muçaj tregon se raste të tilla ndodhin edhe për faktin që familja shqiptare vazhdon ende ta ruajë si të shenjtë marrëdhënien e brendshme, larg syve të të tjerëve, ndonëse ajo është mjaft problematike.
“Familja shqiptare vazhdon të ruajë si një gjë të shenjtë marrëdhëniene brendshme edhe kur ajo është problematike dhe kosntatohet nga prindërit dhe sidomos nga nënat, ku nuk kanë munguar rastet që edhe pse nënë ishte në dijeni të dhunës fizike dhe psikologjike sërish nuk e denonconte pasi nuk mund të pranohej që problemet e familjes të merern vesh nga të tjerë”, thotë psikologia Ariana Muçaj.
Psikologia apelon, që edhe kur minorenet denoncojnë rastet, vetëm kjo nuk mjafton.
