Armando Koçerri është dënuar me 10 vite burg nga Gjykata e Posaçme për Korrupsion dhe Krim të Organizuar.
Ai njihet si anëtari i grupit të Habilajve i cili u arrestua në Shqipëri pasi ndaj tyre nisi të vepronte drejtësia italiane.
Prokuroria kishte kërkuar 15 vite burg, ndërsa në vendimin përfundimtar gjykata vendosi 10 vjet burg. Ai u dënua për pjesëmarrje në grup të strukturuar kriminal, trafik droge, armëmbajtje pa leje dhe do të kryejë 6 vite e 4 muaj burg pasi përfitoi nga gjykimi i shkurtuar.
Armando Koçerri u arrestua në Babicë të Vlorës, pas sekuestrimit të një sasie prej 4.5 tonë kanabis, që dyshohet se i përkiste grupit të Habilajve.
Ai është i pari i dënuar i grupit të Habilajve të cilët po gjykohen në Itali. /Opinion.al
