Një futbollist i kategorisë së katërt në Angli është pezulluar me 13 ndeshje dhe është detyruar të ndjekë një program edukimi pas një komenti homofobik ndaj kundërshtarit.
Bëhet fjalë për mesfushorin e Tranmere Rovers, Sam Finley, i cili ka pranuar se ka përdorur gjuhë që përfshinte referenca ndaj orientimit seksual dhe sjellje të pahijshme ndaj sulmuesit Jamille Matt të Walsall në një ndeshjeje League Two më 11 Janar.
Në atë takim, Finley u ndëshkua me karton të kuq, ndërsa Tranmere u mposht me rezultatin e thellë 5-1.
Përveç pezullimit me 13 ndeshje, mesfushori anglez është dënuar edhe me një gjobë prej 2 mijë Eurosh.
Në reagimin e bërë nga klubi i Tranmere, thuhet se ata dënojnë të gjitha format e diskriminimit dhe do të shikojnë çështjet brenda klubit.
