Lulzim Basha u dënua sot për shpifje nga Gjykata e Tiranës. Ai do të paguajë një gjobë prej 50 mijë lekësh për dëmin moral që i ka shkaktuar kryetarit të grupit të PS, Taulant Balla.
Në dyert e gjykatës, Taulant Balla e ka quajtur këtë një vendim historik. “Ky vendim i gjykatës është historik për të cilin ne politikanët duhet të reflektojmë gjatë, i pari është Basha që është shpallur fajtor penalisht dhe i detyrohet shtetit të shlyejë dënimin që dha gjykata, e dyta them që do i kërkojë Bashës dhe PD që të heqin dorë nga kjo politikë bajate e bazuar tërësisht në shpifje”.
Duke qene nëse ky vendin përkon me 21 Janarin, Balla tha se “drejtësia e re do të jetë ajo që do ta hetojë si duhet krimin shtetëror të 21 janarit 2011 dhe do të jetë gjykata si institucion i pastruar e që ka kaluar vetingun për të dhënë vendimet e merituara të autorëve dhe fajtorëve të krimit shtetëror”.
Vetë Lulzim Basha nuk ka qenë në gjykatë, ai është përfaqësuar në këtë çështje nga Gazmend Bardhi. Sipas tij, gjyqtari ka dhënë një vendim që bën të qeshë çdo njeri.
“Vendimi i sotëm i Gjykatës nuk ka çuditur asnjë shqiptar. Gjykata dha një vendim që bën të qeshë çdo njeri. Gjykata ka zëvendësuar organin e prokurorisë me policinë e Taulant Ballës. Mjafton që policia e Taulant Ballës të thotë se Taulant Balla nuk ka përgjegjësi për milionat Euro të kapur në portin e Durrësit. Në kundërshtim flagrant me çdo të drejtë, Gjykata i kërkoi opozitës ti tregonte personit të akuzuar se kush ishin burimet e informacionit. Në çdo rast sistemi i drejtësisë i kapur 100% nga Edi Rama, dënon personin që akuzon dhe nuk dënon personin e akuzuar. Lulzim Basha nuk u provua që ka kryer shpifje. Nuk do të ketë as gjyqtar të korruptuar apo të pakorrupotuar që do të na ndalë ne të themi të vërtetën. Prova që lidh Taulant Ballën është e njëjta provë që lidh Saimir Tahirin me trafikun e drogës. Ky vendim është qesharak”, u shpreh Bardhi.
Akuzat e liderit demokrat
Në qershor të vitit 2018 nga foltorja e parlamentit, Lulzim Basha do të deklaronte se janë kapur 1.5 mln euro në Toyota Yaris. Sipas tij, këto para droge kanë lidhje me Taulant Ballën. Kreu grupit të PS, mohoi këto akuza dhe paditi Bashën në gjykatë. Por e verteta është se 3 ditë pas deklatarës së Bashës u kapën në portin e Durrësit disa mjete “Toyota Yaris” brenda së cilës kishte 3.4 mln euro”. Për këtë ngjarje janë prangosur 4 persona dhe hetimet vazhdojën nga prokuroria.
/Ri.De
