Kryeministri Rama ka reaguar pas një lajmi të publikuar në media mbi disa ndryshime në kodin penal, propozuar nga Ministria e Drejtësisë, ku parashikohej kriminalizimi i shpifjes duke përfshirë edhe postimet në rrjetet sociale, mes të cilave edhe memet.
Duke ju referuar më tej komenteve që ka shkaktuar ky lajm, Rama shprehet se nuk ka asnjë shans që kjo të ndodhë, ndërkohë që e ka cilësuar jo zyrtar materialin e publikuar nga mediat.
“Shih shih qenkan revoltuar ca analistë se do u dënokan memet me Kod Penal, duke u nisur nga s’di ç’material jozyrtar! Po si mund të ndalohen memet me ligj na e thonë dot këta orakuj të kombit? Asnjë shans s’ka, ku ta gjenim që dhe këta të merreshin me meme që të vlenin për diçka”, shkruan Rama./Opinion.al
