Ministri grek i Mbrojtjes, Nikos Dendias i kërkoi Shqipërisë që të respektojë të drejtat evropiane, duke nënkuptuar mbajtjen në paraburgim të kryebashkiakut të zgjedhur të Himarës, Fredi Beleri.
Këto komente Dendias i bëri në një ceremoni të organizuar në kuadër të 111 vjetorit të çlirimit të Janinës nga pushtimi osman.
Gjatë fjalës së tij ai theksoi mbajtja në paraburgim e Belerit, bie ndesh me praktikat evropiane të të drejtave të njeriut.
“Greqia është një vend fort pro perspektivës evropiane të Ballkanit Perëndimor. I referohem edhe Shqipërisë fqinje, e cila, megjithatë, gjithmonë në përpjekjen e saj për t’u bashkuar me familjen evropiane, duhet të ketë edhe nevojën për të respektuar acquis evropiane”, u shpreh Dendias.
Kujtojmë se arrestimi i Fredi Belerit për shitblerje të votave për zgjedhjet lokale të 14 majit, vijon të mbetet një çështje e nxehtë mes 2 vendeve./Opinion.al
