Ministri i Punëve të Jashtme i Greqisë, Nikos Dendias në një intervistë për mediat vendase i është rikthyer edhe njëherë çështjes së “Detit”, me Shqipërinë.
Në intervistën e tij për gazetën “Parapolitika”, ministri grek thotë se dy vendet po vijojnë konsultimet mes palëve teksa nuk ka dhënë shumë detaje.
Gjithashtu Dendias ka folur dhe në lidhje për një apel në Gjykatën Ndërkombëtare të Drejtësisë në Hagë dhe sa afër janë dy vendet me marrëveshjen.
“Marrëveshja politike për referimin e çështjes së delimitimit të Zonës Ekskluzive Ekonomike midis Greqisë dhe Shqipërisë në Gjykatën Ndërkombëtare të Drejtësisë në Hagë është arritur që nga Tetori i kaluar. Sa i përket pjesës teknike, ajo duhet të paraqitet bashkë-premtuese. Shërbimet kompetente të të dy vendeve janë në konsultim të drejtpërdrejtë për hartimin e këtij teksti”, ka thënë Dendias./Opinion.al
