N/Kryetari i KQZ, Denar Biba doli sërish sot para mediave për të sqaruar pozicionin e tij pas publikimit të audio-përgjimit me gjyqtarin e Strasburgut, Ledi Bianku. Ai tha se “individë apo struktura pa asnjë lloj mandati kanë përgjuar një bisedë informale dhe kjo është e papranueshme të ndodhte në tempullin e drejtësisë. Më lë shijen e hidhur që u përdor politiksht kjo bisedë”, tha Biba. Po kështu, ai shtoi se do ti shkruaj një letër presidentit të Strasburgut, për të sqaruar se nuk ka ndikuar gjyqtarin shqiptar, por edhe për të mësuar se kush ka ndezur përgjuesin në këtë bisedë mes tij dhe z. Bianku. Biba në gjykimin e tij, e sheh publikimin e audios 4 vite pas ngjarjes per ta demtuar ate ne prag te zgjedhjeve lokale.
Deklarata e n/kryetarit të KQZ:
Ju kam thirrur për të ndarë komunikimin tim të fundit për këtë çështje që mori më shumë prezencë në mediat. Gjykata e Strasburgut foli duke prezumuar të vërteta ato që ka nxjerrë media, që ka konfirmuar variantin tim të së vërtetës. Varianti i plotë do mësohet kur media të nxjerrë të plotë audion.
Deri atëherë, një zyrtar shqiptar, unë praktikisht kam takuar një gjykatës të Gjykatës për të Drejtat e Njeriut dhe i kam kërkuar të asistonte me dijeninë tij për të mundësuar shtyrjen e një afati të një detyrimi që në atë moment ku qeveria shqiptare sapo ishte krijuar mund të vinte në pozitë të vështirë financat shqiptare.
Ledi Bianku e ka konsideruar bisedën me mua një qasje të papërshtatshme. Gjykata pranon referimin e anëtarit të saj për një qasje të papërshtatshme, jo ndikim dhe aq më pak shantazh. U mbars mali e polli një mi. Më vjen keq që gjykatësi Ledi Bianku nuk e ndau me mua këtë qasje të papërshtatshme. Në audion e plotë do të rezultojë edhe fakti që gjykatësi Ledi Bianku nuk e ndal njëherë bisedën
Nuk e ndau me mua sy për sy, aty për aty, ta ndërpriste bisedën dhe të ma thoshte mua që nuk është mënyra më e mirë që duhet t’i drejtohesha. E gjitha kjo nuk e shqetëson Strasburgun. Kur Strasburgu nuk reagoi që në atë kohë, tregon se sa e parëndësishme ishte kjo bisedë.
E gjitha u përdor për teatrin politikë të brendshëm shqiptar. Në mënyrë të vazhdueshme nuk ka sqaruar se nuk kam qenë si përfaqësues i KQZ. Unë nuk kam qenë si anëtar i KQZ, por kam qenë se një drejtues i një agjencie. Kjo histori po shndërrohet si një presion dhe një shantazh, në prag të fushatës zgjedhore. Unë i jam drejtuar me letër drejtuesit të KEDNJ, dhe do të tregojë të gjithë versionin tim.
