Nënkryetari i Komisionit Qendror të Zgjedhjeve, Denar Biba, është shprehur se ky institucion përbllet me shumë problematike, veçanërisht në bashkitë që drejtohen nga opozita.
Biba tha se këto probleme vijnë për shkak se kryetarët e bashkive nuk njohin datën 30 qershorin, si ditë në të cilën do të zhvillohen zgjedhjet lokale.
Nënkryetari i KQZ-së, ka paralajmëruar kryebashkiakët se pengimi i zgjedhjeve është vepër penale, dhe se shumë shpejtë do të ketë kallëzime për ta.
“Kemi patur disa problematike me kryetarë bashkish të së djathtës, të cilët duke mos njohur datën e zgjedhjeve nuk po bashkëpunojnë për përgatitjet. Ju kujtoj zotërinjve se pengimi i zgjedhjeve është vepër penale dhe shumë shpejt do të ketë kallëzim për ta”, u shpreh Biba.
Partia Demokratike drejton disa bashki të në vend si ajo e Shkodrës, Kamzës dhe Kukës, ndërsa disa bashki të tjera, si ajo e Çorovodës, drejtohen nga LSI./ Opinion.al E.Xh.
