Anila Denaj, ministrja e Financave ka dërguar një udhëzim Degës së Thesarit në kuadër të Emergjencave Civile pas tërmetit shkatërrimtar të 26 nëntorit.
Ky udhëzim konsiston në për sigurimin e fondeve për gjendjen e emergjencës. Sipas udhëzimit të ministres faturat e njësive të qeverisjes duhet të paguhen deri më 15 dhjetor dhe pas kësaj date nuk do të lejohet nënshkrimi i asnjë kontrate të re.
Mes të tjerash në këtë udhëzim përcaktohet qartë se nuk do të lejohet asnjë procedurë e re prokurimi me fondet publike.
“Faturat e njësive të qeverisjes të paguhen deri më 15 dhjetor. Pas kësaj date asnjë faturë nuk do të paguhet për llogari të buxhetit. Ndalohet nënshkrimi i kontratave të reja. Asnjë procedurë e re prokurimi me fondet publike”, thuhet në udhëzimin e Denajt./ Opinion.al
