Ministrja e Ekonomisë dhe Financave, Anila Denaj, u shpreh se 40% e 755 bizneseve të monitoruara nga Vlora në Sarandë janë kapur me shkelje.
Denaj, sëbashku me ministrin e Bujqësisë, Bledi Çuçi kanë zbritur sot në terren për të kryer kontrolle në kuadër të aksionit kundër informalitetit. Ajo paralajmëroi gjithashtu një paketë ligjore në fund të gushtit nëpërmjet të cilës do të thjeshtohet procesi i goditjes juridike të bizneseve në shkelje të ligjit
“Janë 755 biznese të monitoruara për rajonin e jugut, nga Vlora në Sarandë, nga këto 40 për qind e bizneseve tyre janë kapur me shkelje. Për ne është e rëndësishme të vendosim biznesin përballë një ndërgjegje se ne jemi aty për të monitoruar. Brenda muajt gusht do të dalim me një paketë ligjore për të goditur të gjithë elementë e paligjshmërisë. Kjo pakët ligjore që po punohet do të synojë një goditje të plotë juridike, pa qenë nevoja për një procedurë kaq të koklavitur, e cila në fund nuk e godet paligjshmërinë” tha Anila Denaj. /Opinion.al
