Katër persona janë vënë në pranga këtë të dielë në Shkodër, pasi akuzohen për vepra penale që kanë të bëjnë me dëmtimin e mjedisit.
Në një njoftim zyrtar policia bën me dije se 3 prej tyre po kryenin gërmime pa leje dhe për pasojë kanë dëmtuar një pronë shtetërore në Shirokë.
Të arrestuarit janë personat me iniciale Xh. B., 36 vjeç ; F. B., 47 vjeç të dy banues në Shkodër dhe Sh.B., 44 vjeç, banues në Fushë-Krujë.
Ndërkohë në pranga ka rënë edhe shtetasi S. B., 44 vjeç, pasi ka kryer gërmime dhe hedhje inertesh në Shirokë pranë lokalit në pronësi të tij, duke cenuar pronën shtetërore.
Materialet procedurale për 4 shtetasit e lartpërmendur i kaluan Prokurorisë pranë Gjykatës së Shkallës së Parë Shkodër.
Ata akuzohen për veprën penale “Shkatërrim i pronës me mjete të tjera” dhe “Ndërtimi i paligjshëm”./Opinion.al
