Në Komisionin për Edukimin dhe Mjetet e Informimit Publik po raportojnë Ministrja e Kulturës Mirela Kumbaro dhe Kryeatri i Bashkisë së Durrësit, Vangjush Dako, përfaqësues të shoqërisë civile dhe të arkeologjisë lidhur me gërmimet për ndërtimin e një sheshi që kanë nxjerr në sipërfaqe objekte të trashëgimisë.
“Bashkia e Durrësit ka punuar pa leje mjedisore. Ka shkelur 3 nene të Kodit Penal. Kërkojmë zhvarrosjen betonit në këtë zonë, të anulohen punimet”, thanë përfaqësues të shoqërisë civile.
Sazan Guri theksoi se Bashkia e Durrësit nuk ka leje mjedisore për kryerjen e këtyre punimeve. “Nuk posedon një leje mjedisore dhe për këtë dhe është gjobitur Vangjush Dako, por pak rëndësi ka gjoba në lekë se nuk ishte e madhe, 10 milionë lekë të vjetra krahasuar me dëmin që po bën”, u shpreh ai.
Një velë prej betoni ka nisur të ndërtohet pranë hyrjes se lashtë të Dyrrahut nga Bashkia e Durrësit.
Për ndërtimin e Velierës (Vela) prej betoni kanë nisur dy javë më parë gërmime intensive me mjete të rënda, ekskavatorë, kazma e lopata.
Nisja e gërmimeve është pritur me protesta nga qytetarët e Durrësit, pasi zona ku parashikohet të ndërtohet ka vlera arkeologjike.
