Partia Demokratike ka organizuar përsëri protesta kundër kryeministrit Edi Rama, i cili ditën e sotme ndodhej në Pustec.
Aktualisht dhjetëra qytetarë dhe ish-deputetët Klevis Balliu, Ervin Salianji dhe Endrit Braimllari, kanë dalë në aksin nacional Korçë-Pogradec në fshatin Grabovicë ku po presin largimin e Ramës drejt Tiranës.
Po ashtu në atë zonë ndodhen dhe forcat policisë. Por teksa tentohet bllokimi i rrugës, ka pasur debate mes ish-deputetit Balliu dhe zv. drejtori i Përgjithshëm i policisë së Shtetit, Gjovalin Loka.
Balliu: Po mbroni një bandit. Ti do të marrësh urdhrin për të arrestuar këtë (Ramën) nuk do ta marr unë.
Polici: Po të jetë vendim gjykate.
Balliu: Me vendim gjykate do të ikë ky.
Polici: Çfarë të ketë ligji do ta zbatoj.
Balliu: Po ligji e ka more zotëri se është kap. Turp i madh. Ça i keni këto (flet për praninë e lartë të policisë)? Kush janë këtu Habilajt, Bajrat, Avdylajt?
Qytetari: Ata janë kolegët e Kryeministrit.
Balliu: Domatet nuk prishin asnjë punë. Çfarë ndodh pas këtij provokimi nuk të mbaj dot përgjegjësi.Unë kam ardhur këtu vetëm me i rujt këta dhe ju. Të kam garantuar 1 metër larg çdo oficeri të policisë.Asnjë polic këtu nuk do të derdhë një kokërr djersë për tu shty me asnjë person. Dakord?
Polici: Shumë në rregull.
Balliu: Këtë të garantova unë. Se çfarë bëjnë qytetarët pas provokimit që bëni ju ajo është përgjegjësia juaj. Çdo shoqërim do të quhet politik se kështu është.
Braimllari: Edi Rama ta menaxhojë vetë stresin.
Gjovalin Loka: Nuk ka shans njeri që qytetarit Gjovalin Lokaj t’ia heqë pantallonat nga koka.
Balliu: Çfarë pantallonash?
Gjovalin Lokaj: Ata që e kanë shkruajtur të mbajnë përgjegjësi.
Balliu: Kë kërcënon?
Gjovalin Loka: Atij që i ka thënë.
Braimllari: Ruajt qetësinë, mos merr ngarkesën e Ramës se është turp./ Opinion.al E.Xh.
