Më herët ish-kryeparlamentarja, Jozefina Topalli reagoi në lidhje me përplasjen mes policisë dhe qytetarëve në KZAZ në Shkodër, ku dënoi aktet e dhunës, si dhe “thumboi” PD.
Ndërkohë, lidhur me këtë deklaratë ish-kryeministrit Sali Berisha është shprehur se secili është i lirë të ketë mendimin e tij.
Por në linjë të kundërt me Topalli, ai u shpreh se beteja e opozitës për kthimin e votës së lirë është një betejë e shenjtë dhe ai e mbështet me gjithë qenien e tij.
LEXO EDHE: Jozefina Topalli: Demokratët nuk djegin mandate dhe shkolla në Shkodër
“Kjo është beteja më e shenjtë që kjo parti ka bërë për votën dhe unë e mbështes me gjithë qënien time. Ata që lexojnë Peshkopinë, Durrësin, ata që mund lexojnë Lezhën, Shkodrën e me radhë, ata e shohin se cili është procesi zgjedhor në Shqipëri. Kjo nuk është betejë për pushtet por një betejë vetëm e vetëm për votën e lirë.Secili ka të drejtë të ketë mendimin e vet. Kam bindjen më të thellë se kjo është një betejë për vendosjen e votës”,-tha Berisha./ Opinion.al E.Xh.
