Në librin e saj “Inside Out” aktorja e njohur Demi Moore ka treguar një histori mjaft të dhimbshme dhe tronditëse të jetës së saj, për të cilën nuk dihej asgjë më parë.
Ajo ka shkruar dhe gjithashtu ka bërë të ditur në media se në moshën 15-vjeçare është përdhunuar nga një burrë që pagoi 500 dollarë për diçka të tillë.
Aktorja e njohur e rrëfeu diçka të tillë gjatë emisionit televiziv “Good Morning America” ku tregoi historinë tronditëse se kur ishte adoleshente, pas disa vitesh transferimesh nga një shtëpi në tjetrën në të gjithë vendin, nëna e saj Virginia King filloi ta merrte atë me vete në bare në mënyrë që ato së bashku të tërhiqnin vëmendjen e meshkujve.
Moore kujtoi se një mbrëmje se kur ajo u kthye në shtëpi gjeti një burrë të moshuar që kishte një çelësin të shtëpisë së tyre. Ajo tha se ai e përdhunoi dhe më pas e pyeti: “Si ndihesh kur shkon për 500$?” “Ishte përdhunim dhe një tradhti shkatërrimtare”,-mësohet të ketë shkruar aktorja në librin e saj.
Aktorja tha mendon që ka qenë nëna e saj e alkoolizuar që e ka ‘shitur’, por se thellë shpresonte diçka e tillë të mos ketë ndodhur. Megjithatë sipas Moore sërish nëna e saj mbetet fajtore që i dha atij personi mundësinë e hyrjes në shtëpi./Opinion.al/
