Demi Lovato bëri një tatuazh të ri në nder të qenit të saj. Ai ngordhi 4 vite më parë por Demi Lovato duket se nuk e ka harruar ndaj vendosi t’i bënte një dedikim që të mund ta kishte pranë në çdo moment.
Nëpërmjet një postimi në ‘Instagram’, këngëtarja zbuloi tatuazhin në kyçin e këmbës me shkrimin “Buddy was here” (Buddy ishte këtu) dhe fytyrën e qenit të saj.
“Do të të dua përgjithmonë, dhe nuk do të të harroj kurrë” shkroi ajo krahas fotografisë.
Buddy ishte qeni që Demi ndante me ish të dashurin e saj, Wilmer Valderrama. Sipas Demit, ai humbi jetën në një aksident tragjik në Beverly Hills.
Kujtojmë që në muajin korrik të vitit të kaluar këngëtarja dhe aktorja e njohur u shtrua me urgjencë në spital pas një overdoze heroine, që i rrezikoi jetën. /E.M
