Teksa po zhvillohet mbledhja e tretë e Komitetit Kombëtar të Rindërtimit pas tërmetit me pasoja tragjike, kryeministri Edi Rama tha në fjalën e tij se propozon në postin e Sekretarit të Komitetit të Rindërtimit, Ilir Hoxhollin.
Sipas tij, ky post është i rëndësishëm për faktin se kryetari i Komitetit të Rindërtimit, Arben Ahmetaj, është emëruar edhe ministër për Rindërtimin.
“Përpara se t’i jap fjalën drejtuesit për të bërë një përditësim të situatës, dëshiroj që të ndaj me ju mendimin që në kushtet kur kryetari i komitetit, zoti Ahmetaj është emëruar ministër për Rindërtimin, do të caktojmë një sekretar të komitetit dhe me shumë kënaqësi do të propozoja, që zoti Ilir Hoxholli, që ndajmë një eksperiencë pune dhe përfaqëson pjesën tjetër, organizatat solidare për njerëzit në nevojë. Ai garanton një pjesëmarrje të drejtpërdrejtë edhe në procesin e koordinimit, duke garantuar një ndërveprim konkret, cdo hap me të gjithë faktorët e tjerë dhe duke garantuar edhe praninë një syri më të dedikuar në aspektet e transparencës”, tha Rama në selinë e qeverisë.
Nga ana e tij ministri, Bledi Çuçi, bëri një bilanc të dëmeve të shkaktuara nga tërmeti i 26 nëntorit, si dhe të banorëve që janë akomoduar aktualisht në hotele dhe çadra. Çuçi tha se në hotele ndodhen mbi 3 mijë persona, ndërsa në çadra janë mbi 10 mijë të prekur nga tërmeti.
Shifrat nga Emergjencat
3613 persona janë në hotele
10225 në çadra, numrin më të lartë e ka qarku i Durrësit,
39310 objekte janë verifikuar
3580 të pabanueshme në Durrës
72 objekte janë shembur
10 në Tiranë
7 në Lezhë
Familjet përfituese të qirasë
Në Durrës 1310 familje
Në Shijak 1187
Në Tiranë 2274
Në Vorë 499
Në Kavajë 176
Në Kamëz 270
Në Lezhë 610
Arsimi
53 shkolla janë dëmtuar rëndë nga tërmeti, u pezullua mësimi, u transferuan
Qarku më i goditur Durrësi, 32 shkolla
14 në Tiranë
7 në Lezhë
28 shkolla janë meremetuar në Durrës./Opinion.al
