Tërmeti i 26 nëntorit që u mori jetën dhjetëra personave dhe plagosi qindra të tjerë në disa nga zonate Durrësit, shkaktoi dëme dhe në qytetet të tjera të vendit. Kreu i Partisë Demokratike, Lulzim Basha, përmes një postimi në rrjetet sociale shprehet se Kavaja dhe Vora kanë pësuar dëmtime serioze nga tërmeti 6.4 ballë.
Kryedemokrati thekson në reagimin e tij se qytetarët kanë nevojë për ndihmë urgjente, pasi kalojnë natën nëpër makina dhe çadra të cilat edhe për shkak të kushteve atmosferike janë të papërshtatshme.
Kreu i PD-së deklaron se në Vorë banesat e qindra familjeve janë të dëmtuara dhe të pabanueshme. Shumë prej tyre kanë nevojë për ndihma dhe për ushqime. Po ashtu lideri opozitës shprehet se e njëjta situatë paraqitet edhe në Kavajë. Ai ka bërë thirje se këto zona kërkojnë vëmendje urgjente, pasi banorët kanë nevojë për strehë, ushqime dhe vlerësim të banesave.
Reagimi
Kavaja dhe Vora kanë pësuar dëmtime serioze nga tërmeti i 26 nëntorit. Qytetarët kanë nevojë për ndihmë urgjente, pasi kalojnë natën nëpër makina dhe çadra të cilat edhe për shkak të kushteve atmosferike janë të papërshtatshme.
Në Vorë banesat e qindra familjeve janë të dëmtuara dhe të pabanueshme. Shumë prej tyre kanë nevojë për ndihma dhe për ushqime.
Në Kavajë me dhjetëra objekte janë të pabanueshme. Prej katër ditësh po presin ekspertet të vlerësojnë gjendjen e objekteve të banimit, ndërsa netët i kalojnë nëpër makina, pa mundur të marrin as rrobat e trupit nga frika se pallatet mund të shemben.
Kërkohet urgjentisht vëmendje për këto zona me dëmtime të rënda, banorët e të cilave kanë nevojë për strehë, ushqime dhe vlerësim të banesave./ Opinion.al
