Shqipëria Po kalon ditë të vështira që pas goditjes së tërmetit shkatërrues, i cili la pas dhjetëra të vdekur, qindra të plagosur dhe dëme të shumta materiale.
Lidhur me situatën e rëndë që shkaktoi tërmeti, Shtetet e Bashkuara të Amerikës ka njoftuar se USAID ka dërguar ditën e djeshme inxhinierë strukturash nga Departamentet Zjarrfikëse, që do të ndihmojnë në vlerësimin e dëmeve në godina.
“USAID ka dërguar dje inxhinierë strukturash nga Departamentet Zjarrfikëse të konteve Fairfax dhe Los Angeles, të cilët do të ndihmojnë në vlerësimin e dëmeve në godina dhe infrastruktura, si pjesë e mbështetjes së qeverisë së Shteteve të Bashkuara për rimëkëmbjen nga tërmeti. Ky ekip do të ndihmojë në përcaktimin e shtëpive, shkollave dhe ndërtesave të tjera që janë të sigurta për rikthimin e njerëzve. #ShbaQendronKrahShqiperise”, thuhet në njoftim./ Opinion.al
