Aktualitet

Dëmet e tërmetit, MB: Në Durrës do shemben edhe 21 ndërtesa


               Publikuar në : 19:24 - 02/12/19 |
Al Do

Zv/ministrja e Brendshme, Rovena Voda, ka bërë bilancin e deri tanishëm të dëmeve të shkaktuara nga tërmeti.

“Numri i qytetarëve të strehuar në struktura hoteliere në Durrës, Shëngjin dhe në Kavajë, ka arritur në 2633. Paraprakisht, në rang kombëtar ekziston ky bilanc: Banesa të shembura 131, banesa të dëmtuara rëndë 3811, banesa të dëmtuara lehtë, 3149, pallate të dëmtuar rëndë 461, pallate të dëmtuar lehtë 324, pallate që janë shpallur të pabanueshëm aktualisht janë 20.”, tha Voda.

Ajo tha se deri tani, janë 469 objekte që janë inspektuar në Durrës, Krujë e Shijak.

  • Bashkia Durrës – 378 Objekte të inspektuara, 150 të pabanueshme, 21 për tu prishur;
  • Bashkia Krujë – 46 Objekte të inspektuara, 5 të pabanueshme, asnjë për t’u prishur
  • Bashkia Shijak – 45 Objekte të inspektuara, 25 të pabanueshme, asnjë për t’u prishur;

Zv/ ministrja foli gjithashtu edhe për strehimin e qytetarëve.

“Sa i përket strehimit, ka qenë një sfidë për të gjitha shtabet. Ky proces vijon në hotele dhe qendra sociale. 1961 qytetarë janë në hotele, në çadra janë 964 qytetarë”, tha ajo.

Për të gjithë qytetarët e prekur nga tërmeti që kërkojnë të marrin informacion mbi atë se çfarë do të bëhet me ta, ku duhet të marrin ndihmat, të strehohen apo të pyesin për çfarëdolloj informacioni në lidhje me banesat e tyre të dëmtuara, qeveria ka vënë në dispozicion tre numra të gjelbër në dispozicion të tyre. Numrat janë: 069 41 14 100 ; 069 41 14 101 ; 0694114404. /Opinion.al

Pas