Deputetet kanë hyrë në sallën e Parlamentit dhe sot në rendin e ditës është sërish çështja e Demarkacionit. Jashtë zhvillohen protesta. Është Fondacioni i Kosovës për Inovacione që kërkon nga deputetet, sidomos ata të VV të votojnë demarkacionin. Organizatori i protestës, Bashkim Fazliu, është arrestuar nga Policia e Kosovës, pasi ka sharë liderin e VV-së, Albin Kurti, dhe ka gjuajtur me vezë në drejtim të tij.
Qytetarët, jo të shumtë në numër, kërkojnë votimin pro demarkacionit. Ky grup i qytetarëve ka vendosur parulla me mesazhe që kërkojnë liberalizimin e vizave.
“Duam liberalizim e jo izolim”, “Voto demakrakcionin, zhblloko rininë”, “Zhbllokoni qytetarët”, janë disa nga parullat e vendosura para Kuvendit të Kosovës, raporton Gazeta Express.
Deri më tani ende nuk është e qartë nëse do të mbahet seanca e jashtëzakonshme për Demarkacionin me Malin e Zi, që është njoftuar të fillojë në orën 10:00.
