Ideja se fëmijët nuk preken rëndë nga Covid 19 duket se tahsmë nuk qëndron, për shkak të variantit Delta i cili rezulton edhe më ngjitës.
Që nga nisja e pandemisë vitin e kaluar, më shumë se 45,000 fëmijë janë shtruar në spital me Covid-19, sipas Qendrave Amerikane për Kontrollin dhe Parandalimin e Sëmundjeve.
Që nga e marta, mesatarisht 192 fëmijë me Covid-19 u pranuan në spitalet amerikane çdo ditë gjatë javës së kaluar, tregojnë të dhënat e CDC.
Kjo është një rritje prej 45.7% nga java e mëparshme në shtrimet e reja ditore në spitale në pcientët e moshës 0 deri në 17 vjeç.
Ndërsa për më të rritur vijon diksutimi për nisjen e shkollave dhe faktin nëse duhet të vaksinohen, varianti tashmë dominues Delta vazhdon të prekë më shumë të të pavaksinuarit, përfshirë disa fëmijë shumë të vegjël për t’u vaksinuar.
Mjekët thonë se është thelbësore të mbrohen fëmijët nga varianti Delta, jo vetëm për të mbrojtur shëndetin e tyre, por për të parandaluar shfaqjen e varianteve edhe më aggresive, shkruan CNN.
Varianti Delta është po aq ngjitës sa lia e dhenve, tha CDC, ndërkohë që në vetëm dy muaj, Delta shkoi nga 3% në më shumë se 93% të rasteve në SHBA.
Dhe në vetëm një javë, SHBA pati një rritje prej 84% në rastet e reja të Covid-19 tek fëmijët, tha Akademia Amerikane e Pediatrisë.
71,726 raste të reja pediatrike nga 22 në 29 korrik shënuan “një rritje të konsiderueshme” nga java e kaluar, kur u raportuan 39,000 raste të reja në grupmoshat e fëmijëve, tha AAP.
Pothuajse gjysma, 46.4% e fëmijëve të shtruar në spital me Covid-19 midis Marsit 2020 dhe Qershorit 2021 nuk kishin ndonjë patologji tjetër të njohur, sipas të dhënave të CDC nga pothuajse 100 qarqe amerikane.
Ndërsa fëmijët kanë shumë më pak të ngjarë të vdesin nga Covid-19 sesa të rriturit, vdekjet janë ende të rëndësishme, tha Drejtoresha e CDC Dr. Rochelle Walensky.
Të paktën 416 fëmijë të moshës 0 deri në 18 vjeç kanë humbur jetën nga Covid-19, sipas të dhënave nga Qendra Kombëtare për Statistikat e Shëndetit.
Numri i vdekjeve nga Covid-19 tek fëmijët është më shumë se dyfishi i numrit të vdekjeve nga gripi pediatrik i raportuar nga CDC midis 2019-2020, ndër sezonet më të këqija të gripit që nga viti 2010.
Arsyeja kryesore pse Covid-19 është më vdekjeprurëse për fëmijët sesa sëmundjet e tjera infektive është sepse shumë fëmijë vaksinohen kundër sëmundjeve të tjera, sikurse tha Dr James Campbell, profesor i pediatrisë në Shkollën e Mjekësisë të Universitetit të Maryland.
“Askush nuk po vdes nga poliomieliti, askush nuk po vdes nga fruthi në Shtetet e Bashkuara. Askush nuk po vdes nga difteria,” tha Campbell për CNN muajin e kaluar.
Me variantin Delta, CDC tani rekomandon që nxënësit nga kopshti deri në klasën e 12 të mbajnë maska në shkollë, së bashku me mësuesit dhe vizitorët. Akademia Amerikane e Pediatrisë ka rekomanduar maska në shkolla për të gjithë mbi moshën 2 vjeç./Opinion.al
