Më 6 shtator në Tiranë do të mbërrijnë një delegacion i Komisionit të Venecias, të cilët janë pjesë e misionit faktmbledhës për shkeljet e pretenduara të Presidentit të Republikës, Ilir Meta, në vendimin për të anuluar 30 qershorin si datë për zgjedhjet lokale.
Ndërkohë, është publikuar dhe agjenda e delagacionit, por ajo që bie në sy në agjendë është se nuk është parashikuar takim i delegacionit me opozitën e cila ndodhet jashtë parlamentit.
Në agjendë thuhet se ky delegacion do të zhvillojë takime me përfaqësues të mazhorancës dhe opozitës në parlament. Në këtë mënyrë nën kuptohet se delegacioni i Komisionit të Venecias do të zhvillojë takime përfaqësuesit e Grupit Parlamentar Demokrat apo edhe të Grupit të Pavarur.
Gjatë këtyre takimeve, në fokus do të jenë akuzat në adresë të Metës. Po ashtu, anëtarët e delegacionit do të zhvillojnë një takim dhe me vet presidentin Meta.
Ndërkohë, në agjenden e muajit tetor të Komisionit është përfshirë draft-opinioni mbi kërkesën e mazhorancës së Partisë Socialiste për të marrë një përgjigje nga Komisioni i Venecias para se të vendosë për fatin e Presidentit./ Opinion.al E.Xh.
