Delegacioni i Parlamentit Europian vjen sot në Shqipëri, për të zhvilluar takime me politikanët kryesorë në vend. Ardhja e tyre u paralajmërua një javë përpara, qëkur opozita dorëzoi mandatet e deputetëve.
Mësohet se takimi i parë i delegacionit do të jetë me krerët e opozitës, Lulzim Basha dhe Monika Kryemadhi në orën 16:15-17:00.
Më pas për rreth dyzetë minuta delegacioni do të presë në zyrat e Bashkimit Europian në Tiranë Ministrin e Brendshëm Sandër Lleshaj.
Takimi i fundit për sot do të zhvillohet në kryeministri, me kryeministrin Edi Rama dhe Ministrin e Jashtëm Gent Cakaj në orën 18:10-19:10.
Ditën e nesërme, do të zhvillohet një takim me kreun e Kuvendit Gramoz Ruçi në orën 8 deri në orën 8:45 dhe më pas një takim për rreth një orë me anëtarë të shoqërisë civile, ku do të jenë edhe dy studentë.
Në orën 10:15 pritet që Delegacioni i Parlamentit Europian të bëjë edhe një deklaratë publike lidhur me qëndrimin e europianëve për krizën politike në Shqipëri./Opinion.al
