Një fëmijë i lindur me peshë vetëm 245 gram, që besohet të jetë më i vogli që i ka mbijetuar lindjes së parakohshme, ka dalë i shëndetshëm nga spitali në SHBA.
Bebja Saybie, peshonte njësoj si një mollë e madhe kur ajo lindi 23 javëshe në Dhjetor 2018.
Ajo u transferua menjëherë në njësinë e kujdesit intensiv në Spitalin Sharp Mary Birch në San Diego të Kalifornisë.
Mjekët i thanë prindërve të Saybies se asaj i kishin mbetur vetëm disa orë për të jetuar. Por pesë muaj më vonë, ajo doli shëndetshëm nga spitali me një peshë prej (2.5 kg), duke kaluar të gjitha pritshmëritë.
Një infermiere që kujdesej për Saybie ndërsa luftonte për jetën, tha se shërimi ishte një “mrekulli”.
Saybie mendohet të jetë fëmija më i vogël në botë i mbijetuar nga lindja e parakohshme.
Rekordi i mëparshëm mbahej nga një vajzë e vogël nga Gjermania, e lindur me peshë 252g në vitin 2015.
Një fëmijë, i lindur në Japoni, vetëm 268g në fillim të këtij viti, mendohet të jetë djali më i vogël që ka mbijetuar në lindjen e parakohshme. /Opinion.al
