Një aksident i rëndë është shënuar mëngjesin e sotëm në Rubik, ku një mjet i tonazhit të rëndë ka dalë nga rruga.
Si pasojë ka humbur jetën drejtuesi 55-vjeçar L.L., banues në Laç.
Sipas policisë, 55 vjeçari ishte punonjës i një firme për nxjerrjen dhe përpunimin e mineraleve dhe po shkonte për te kantieri i punës.
“Rreth orës 09:20, në Rubik, shtetasi L. L., 55 vjeç, banues në Laç, punonjës i një firme për nxjerrjen dhe përpunimin e mineraleve, gjatë rrugës për te kantieri i firmës, dyshohet se ka humbur kontrollin mbi drejtimin e një mjeti pune të tonazhit të rëndë. Si pasojë e daljes së mjetit jashtë rruge, 55-vjeçari ka humbur jetën”, njofton policia.
Grupi hetimor dhe shërbimet e Policisë Rrugore ndodhen në vendin e ngjarjes dhe po kryejnë hetime për zbardhjen e shkakut të aksidentit.
