Është zbardhur lista me 63 kandidatë të Partisë së Lirisë për këshillin bashkiak të Tiranës.
Në listën e publikuar vërehet se figura të njohura të Partisë së Lirisë që kanë bërë opozitë si Silva Caka, Endrit Braimllari, Floida Kërpaçi dhe Tedi Blushi kryesojnë listën.
Po ashtu kandidatë për këshillin bashkiak të Tiranës janë edhe sipërmarës, farmacistë, politologë, avokatë etj.
“Miratimi i listës nga kryesia e Partisë së Lirisë kaloi më parë në filtrin e Komisionit të Vlerësimit të Kandidaturave. Sipas kritereve të përcaktuara, ky komision përzgjodhi emrat të cilat më pas i kaluan kryesisë për miratim”, ka njoftuar Partia e Lirisë.
Kujtojmë se këtë të enjte KQZ regjistroi Partinë e Lirisë si subjekt për zgjedhjet e 14 majit./Opinion.al
