Në foton e mëposhtme shfaqet Ndriçim Harka, “zjarrëfiksi”, që ishte kreu i rrjetit të trafikut të kokainës në Gjermani dhe në Zvicër.
Sipas news 24, hetimi ka nisur nga autoritetet zvicerane në vitin 2005 ndërsa vijon për persona të tjerë që mund të jenë të implikuar përveç atyre të identifikuar.
Sipas provave të administruara rezulton se shtetasit Etmond Merja dhe Ndriçim Harka janë të përfshirë si organizatorë në këtë veprimtari kriminale. Ndriçim Harka, është arrestuar tashmë nga policia, ndërsa kunati i tij Merkja është shpallur në kërkim.
Gjithçka ka nisur me bllokimin e një sasie të vogël lënde narkotike, ku është arrestuar një shtetas shqiptar, i cili është vënë nën përgjim dhe më pas është zbuluar i gjithë rrjeti.
I gjithë operacioni është finalizuar me ndihmën e përgjimeve ku të gjithë personat flisnin për çështjen e trafikut të drogës. Harka ka udhëtuar disa herë në drejtim të Zvicrës dhe Gjermanisë ku koordinonte punën e grupit kriminal.
Nga 5 të arrestuarit në Zvicër, 3 janë shqiptarë. Prokuroria ka dyshime se ka dhe persona të tjerë të përfshirë në këtë aktivitet kriminal ndaj janë duke u kryer hetime./Opinion.al
