Ditën e djeshme, bëri bujë rrëfimi i Robert Berishës, i cili tregoi se ai dhe Nora nuk duan që të kenë asnjë marrëdhënie me Tunën, e cila është njëkohësisht edhe partnerja e vëllait të Robertit, Patrisit.
Për këtë arsye tha ai, çifti nuk shkuan në festën e 1-vjetorit të Tianit, djalit të Tunës dhe Patrisit. “Më vjen keq për Patrisin dhe Tianin të cilët i dua shumë dhe do jem gjithmonë në gatishmëri për ta, por me Tunën nuk duam dhe nuk flasim”, rrëfeu ai dje nga studio e Rudina Magjistarit, duke i lënë të gjithë të shokuar. Pas kësaj deklarate, rrjeti u ‘dogj’ dhe të gjithë kanë kërkuar që të zbulonin arsyen se përse Roberti e Nora nuk flasin më me Tunën.
Sot, disa burimeve për portalin “Blitz.al”, kanë treguar se arsyeja e këtij sherri ka qenë prania e fëmijës jashtëmartese të Robert Berishës në ditëlindjen e vogëlushit Tian, i cili kishte qenë së bashku me të ëmën.
Mësohet se kjo ftesë është bërë pikërisht nga Tuna, e cila e ka shoqe mamanë e vogëlushes së jashtëligjshme të Robertit dhe kjo ka bërë që ky i fundit të acarohej aq shumë, saqë gjithçka ka përfunduar në një sherr midis dy palëve. Prej disa kohësh, mediat kanë shkruar për këtë fëmijë jashtë martese të Robertit, i cili asnjëherë nuk e ka pranuar, duke e mohuar publikisht disa herë nëpër intervista.
Sipas këtyre burimeve, fëmija i Robertit, e cila është një vajzë, nuk është aspak një trillim dhe gjesti i Tunës për ta ftuar mamanë dhe vajzën në ditëlindjen e djalit të saj, nuk ka ardhur më kot.
Vite më parë, Nora ka festuar një përvjetor ditëlindjeje në të cilin ka ftuar Tunën por gjithashtu edhe ish-bashkëshortin e saj së bashku me të dashurën e tij të re. Thuhet se asokohe ky veprim e “xhindosi” Tunën ndaj dhe kjo e fundit vendosi t’ja kthente me të njëjtën monedhë pikërisht tashmë që për burrë ka vëllain e burrit të Norës. /Burimi:Blitz.al
