Oficerë të policisë gjyqësore kanë sekuestruar sot në KQZ, dokumentacionin dhe formularët e vetëdeklarimit të subjekteve të ligjit të dekriminalizimit të deputetëve dhe kryebashkiakëve që janë nën hetim.
Prokuroria thotë se ata kanë fshehur dënime ose i kane dorëzuar dosjet në KQZ jashtë afatit te përcaktuar nga ligji.
Më 16 shkurt 2017, Prokuroria e Tiranës regjistroi procedimin penal ndaj KQZ-së duke e akuzuar për shkelje ligjore si për rastin e deputetit socialist Armando Prenga ashtu dhe për dy kryetarë bashkie.
Një ditë më parë Komisioni Qendror i Zgjedhjeve në një deklaratë për median tha se 19 deputetë dhe 11 kryebashkiakë janë me probleme penale, por asnjëri prej tyre nuk plotëson kushtet për t’i hequr mandatin.
