Drejtoria e Dekriminalizimit në Prokurorinë e Përgjithshme ka nisur sot procedurat e verifikimit për kryebashkiakun e PS në Vorë, Agim Kajmaku.
Gjatë mesditës, Prokuroria e Përgjithshme ka konfirmuar se është bërë regjistrimi I kërkesës-padisë që Partia Demokratike bëri dy ditë më parë.
PD akuzon kryebashkiakun e Vorës, Agim Kajmaku se ka qenë i dënuar në Greqi dhe se ai është i dëbuar nga autoritetet greke.
Kërkesa drejtuar Prokurorisë së Përgjithshme është firmosur nga Sekretari i Përgjithshëm i demokratëve, Gazment Bardhi. Ndërkohë që sot drejtoria e dekriminalizimit ka nisur kërkesat drejt institucioneve brenda dhe jashtë vendit për verifikimin e pastërtisë së Kajmakut.
Vetë kryetari i bashkisë Vorë i zgjedhur në votimet e 30 qershorit e ka mohuar pretendimin e Partisë Demokratike duke pranuar vetëm faktin se ka ndryshuar emrin, por kjo procedurë sipas tij është bërë konform ligjeve. /Opinion.al
