Kryetari i Bashkisë së Tepelenës, Tërmet Peçi rrezikon të humbasë mandatin. Shkak është bërë fshehja e një dënimi të formës së prerë ndaj tij, dhënë nga Gjykata e Tepelenës në korrik të vitit 2004.
Peçi rezulton se është dënuar me gjobë (1 milionë lekë të vjetra) pasi ka shitur një automjet me dokumente false. Në bazë të ligjit të Dekriminalizimit, Peçi duhet të deklaronte këtë dënim në formularin e vetë deklarimit që ka dorëzuar në KQZ.
Por, sipas formularit të plotësuar nga Peçi dhe publikuar nga KQZ, rezulton se e ka fshehur një gjë të tillë. Nëse Partia Demokratike do të çojë për hetim në strukturën e posaçme në Prokurori për hetimin e formularit të vetë deklaruar nga Peçi, ai rrezikon t’i hiqet mandati./Panorama
