Prokurori i Përgjithshëm, Olsian Çela ka dhënë një deklaratë për mediat pasi raportoi në Këshillin e Lartë të Prokurorisë, për veprimtarinë e punës së institucionit që ai drejton përgjatë vitit 2022.
Çela foli për dekriminalizimin dhe tha se vendi ynë vepron në bazë të Konventave Ndërkombëtare dhe se kjo kërkon bashkëpunim në nivel të gjerë.
Ai theksoi se përgjithësisht pjesa më e madhe e shteteve nuk ofrojmë ndihmë përsa i takon çështjes së dekriminalizimit, duke shtuar se vetëm dy shtete kanë kthyer përgjigje, kur i është kërkuar informacion nga Prokuroria.
“Kjo është çështje shqiptare që ne duam ta zgjidhim ndërkombëtarisht. Ne veprojmë në bazë të Konventave Ndërkombëtare. Kjo kërkon bashkëpunim në nivel të gjerë. Përgjithësisht pjesa më e madhe e shteteve nuk ofrojnë ndihmë juridike përsa i përket çështjes së dekriminalizimit. Dy shtete kanë kthyer përgjigje”- tha Çela.
