Kryetari i Partisë Demokratike, Lulzim Basha, e ka konsideruar si hapin e parë të ndarjes së krimit nga politika, zbatimin e ligjit të dekriminalizimit. Duke folur pas mbledhjes së grupit të PD, Basha tha se prej dy vitesh kjo ka qenë beteja e opozitës.
“Pas dy vitesh betejë, sot me kokën lart para qytetarëve shqiptarë, po bëhet ndarja e kriminelëve nga politika, sot Dekriminalizimi po jep frytet, sidomos për simbolit të kriminalizimit, Elvis Roshit. Edi Rama bëri gjithçka për të vonuar dhe sabotuar ligjin e Dekriminalizimin, bëri gjithçka për të luftua opozitën që të mbronte kriminelët. E mbani mend besoj si tallej me opozitën me Dekriminalizmin. Sot nuk besoj se qesh sepse i kemi treguar vendin atij dhe Roshit. Për shqiptarët e dekurajuar për shkak të drogës e krimit, sot kam një mesash; është një ditë për të besuar se e mira do të mundë të keqen. Unë inkurajoj institucionet të procedojnë pa vonesë në mënyrë që krimi të ndahet njëherë e mirë nga politika”.
Ndërkohë, Basha tha se tashmë sfida e radhës është Reforma Zgjedhore, për të garantuar zgjedhje të lira e ndershme.
Një ditë më parë, Prokuroria e Përgjithshme deklaroi se i kishte bërë kërkesë zyrtare Komisionit Qendror të Zgjedhjeve për heqjen e mandatit për deputetin e PDIU, Dashamir Tahiri, Shkëlqim Selami dhe kryetarit të Bashkisë së Kavajës Elvis Roshi, pasi ata preken nga Ligji për Dekriminalizimin. Sipas akuzës, këta funksionarë kanë fshehur të dhëna duke mos deklaruar disa rekorde kriminale në Itali e Zvicër.
