TIRANË- Ministrja për Marrëdhëniet me Parlamentin, Ermonela Felaj pas përfundimit të mbledhjes së Grupit Parlamentar të Partisë Socialiste tha se jemi më afër se kurrë në arritjen e një konsensusi me PD-në për ligjin e dekriminalizimit “Partia Demokratike duhet të heqë dorë nga nga kërkesa për testin e drogës”, tha Felaj. Dekriminalzimi, nuk ka arsye pse të mos ndodhë. Ne jemi shumë pranë marrëveshjes për këtë proces madhor. Praktikisht nuk na ndan asgjë me opozitën”, tha ajo teksa përsëriti edhe një herë se kërkesa për testin e drogës jo vetëm është qesharake por edhe e parealizueshme.
Deri tani, ajo që ka mbajtur të ndara palët, ka qenë një nen që do të detyronte zyrtarët të bënin testin e drogës. Bindja e Felajt për marrëveshje me demokratët, la të kuptohet se PD mund të tërhiqet nga kjo kërkesë.
