Elisa Spiropali, ministrja e Shtetit për Marrëdhëniet me Parlamentin, ka reaguar pas vendimit të presidentit, Ilir Meta për detektimin e Marsida Xhaferllarin si gjyqtare të Gjykatës Kushtetuese.
Përmes një reagimi në rrjetet sociale, Spiropali shprehet se Meta iu kundërvu edhe njëherë Reformës në Drejtësi dhe SHBA e BE, duke dekretuar kundër ligjit dhe kundër qëndrimit të tyre një gjykatëse mbrapa liste.
Sipas ministres, vendimet e Metës janë shembull për të kuptua se kush e do ngritjen e sistemit të ri të drejtësisë dhe se kush ka frikë nga drejtësia.
“Edhe njëherë Ilir Meta iu kundërvu Reformës në Drejtësi dhe Shteteve të Bashkuara e Bashkimit Europian, duke dekretuar kundër ligjit dhe kundër qëndrimit të tyre, me zero legjitimitet kushtetues e ligjor, një gjykatëse mbrapa liste. Edhe njëherë kundërvënia brutale e Ilir Metës ndaj prioritetit themelor të vendit, drejtësisë, na bën të ndjehemi keq për Presidentin e Republikës. Edhe njëherë, Ilir Meta dha një shembull spektakolar për ta kuptuar kush ende nuk e ka kuptuar, se Reforma në Drejtësi ndan thellë e qartë shumicën qeverisëse dhe parlamentin e vendit, nga fronti i atyre që me në krye Ilir Metën, i bashkon kundër nesh Frika nga Drejtesia”, shkruan Spiropali./ Opinion.al
