Grupi parlamentar i PD vendosi sot të marrë pjesë në punimet e Kuvendit vetëm për 1 çështje: Atë të Teatrit Kombëtar. Pas rreth 3 javësh nga bojkoti dhe marrëdhënia e kushtëzuar me Kuvendin, PD do të shkojë sot në 15:00 në mbledhjen e Komisionit të Veprimtarisë Prodhuese.
Sot në rendin e ditës të këtij komisioni është dekreti i Presidentit Meta për ligjin e Teatrit. Sakaq, opozita nuk do të shkojë në seancë plenare të enjten, ajo do të zhvillojë mbledhjen e radhës në Vlorë.
Lidhur me teatrin, burimet thanë se “opozita është e prere, kërkon të votohet dekreti i Metës, pra të rrëzohet ligji i Teatrit”. Nga ana tjetër, mazhoranca më herët ka deklaruar se “do të ndryshojë ligjin për teatrin, duke bërë që gara të jetë e hapur. Pra tu jepet mundësia edhe firmave të tjera përpos Fushës, të marrin pjesë në garë.
/Opinion.al
