Data e dekretimit te zgjedhjeve të parakohshme për bashkinë e Tiranës ka shkaktuar përsëri një paqartësi te juristë si dhe te palët politike.
Kjo paqartësi vjen pasi në një kohë që Erion Veliaj ka kundërshtuar vendimin e shkarkimit të tij në Gjykatën Kushtetuese, kreu i shtetit dekretoi 9 nëntorin si datën e zgjedhjeve në Bashkinë e Tiranës dhe për 5 bashki të tjera.
Teksa juristi Jordan Daci e cilëson këtë dekret të pavlefshëm, gazetarja Mirela Milori ka dhënë një opsion tjetër që mund të përdoret nga Veliaj në përballjen ligjore përsa i përketë datës së zgjedhjeve.
“Erion Veliaj mund të ketë përsëri një as nën mëngë. Kundërshton dekretin e Presidentit për datën e zgjedhjeve ia kërkon përsëri Gjykatës Kushtetuese. Mund ta bëjë Erion Veliaj, një forcë politike ose Avokati i Popullit”,-tha Milori.
