Autoritetet gjermane i janë përgjigjur Prokurorisë së Posaçme kundër krimit të Organizuar dhe Korrupsionit në lidhje me hetimet për ish-zëvendësdrejtorin e OFL-së, Artan Shkëmbi.
Në letër-porosi autoritetet gjermane kanë shpjeguar se si kuptuan që personat e hetuar prej tyre ishin vënë në dijeni për hetimin.
Abc news shkruan se ka qenë një mesazh që nr.2 i OFL-së, i ka dërguar një personi të vënë nën hetim.
Shkëmbi i ka dërguar të hetuarit K.V. më datë 10 prill 2020 kërkesën e autoriteteve gjermane për verifikimin e pasurive apo verifikime të tjera të nisura prej tyre.
Po ashtu është evidentuar nga autoritetet gjermane se shtetasit K.V. i janë përcjellë edhe fotot e tij dhe të personit tjetër nën hetim A.P., së bashku me të dhëna të nxjerra nga sistemi Deep See.
Kujtojmë se disa ditë më parë, Gjykata e Lartë rrëzoi kërkesën e Artan Shkëmbit për tu rikthyer në detyrë. Sipas vendimit të gjykatës së Lartë nuk ka asnjë shkelje proceduriale nga gjykata e Apelit dhe për këtë shkak vendosi të mos pranonte ankimin e bërë nga Shkëmbi, duke rrëzuar kërkesën e tij. Ndaj Artan Shkëmbit, GJKKO ma caktuar masën e “pezullimit nga detyra”.
Shtetasi Artan Shkëmbi për shkak të funksionit të tij si drejtues i lartë në Policinë e Shtetit, dyshohet se ka zbuluar akte sekrete, duke dekonspiruar hetimet që po zhvilloheshin në Gjermani ndaj disa shtetasve shqiptarë./Opinion.al
