Prokuroria ka nisur hetimet ndaj efektivit të policisë të Elbasanit, Eduart Hasani. Mësohet se ky i fundit ka dekonspiruar operacionin e policisë ndaj një grupi kriminal.
Bëhet fjalë për një operacion të zhvilluar në datën 1 korrik 2019 në fshatin Papër të Elbasanit ku është sekuestruar një sasi e madhe armësh.
Policia konstatoi pas operacionit se informacionet ishin dekonspiruar dhe filloi më pas hetimin e brendshëm.
Nga të dhënat rezultoi se operacioni ishte dekonspiruar nga Hasani, ndaj të cilit u morr masa administrative e pezullimit nga detyra. Me një vendim të Apelit, Hasani u rikthye në punë, por tani duhet që të përgjigjet përpara prokurorisë ne lidhje me ngjarjen./ Opinion.al
