Ish-kryeministri Berisha ishte i pari që informoi publikun për vetëdorëzimin e Klement Balilit, para se lajmi të konfirmohej nga policia.
Ky njoftim i tij në facebook ku i referohej qytetarit dixhital, ngriti pikëpyetje mbi informatorin e vërtetë që “dekonspiroi” vetëdorëzimin e Balilit.
I pyetur nga gazetarja Klodjana Lala se kush e informoi Berishën për dorëzimin e Balilit, avokati i tij mbrojtës Dhori Sollaku u përgjigj se, “ai ka punuar një kohë me Doktorin”.
Duke iu referuar periudhës kur ishte Prokuror i Përgjithshëm dhe Berisha kryeministër.
Një përgjigje mesa duket ironike kjo e Sollakut, duke iu referuar faktit që vetëm ai si avokat kishte dijeni për dorëzimin e Balilit, ndërkohë që Berisha është gjithmonë I pari që publikon informacionet para se ato ti publikojë Policia dhe media.
