Arben Ahmetaj, ish-ministri i Financave dhe Ekonomisë, ka komentuar deklaratat e Presidentit Meta, i cili këtë të hënë tha se
“Klasa politike shqiptare duhet të marrë përgjegjësitë e saj dhe nuk duhet të fshihet pas asnjë ndërkombëtari siç ka ndodhur deri tani dhe çështjet duhet të zgjidhen në mënyrë transparente, me dialog, larg pazareve dhe keqpërdorimeve, qoftë edhe të ndonjë ndërkombëtari”.
Teksa fliste gjatë emisionit “Mbrëmje Ide”, Ahmetaj tha se qëndrimi i Presidentit është dygjuhësh dhe i dykuptimtë, dhe sipas tij kjo është në traditën e Presidentit.
“Qëndrimi i Presidentit është siç është i dygjuhësh edhe i dykuptimtë. Është në traditën e presidenti aktual, ku në këndvështrimin tim politk tenton të ngarkojë me përgjegjësi të dy palët politike, ose të tre palët politike, ish-palën e tij, LSI-në Po të ishte presidenti përpara gazetarëve, pyetja më e natyrshme është më fal po çfarë sistemi jeni duke i referuar? Sepse ne jemi në sistem demokratik. Kemi dalë ne jashtë parlamentit apo opozita? Dhe në çfarë sistemi merren përgjegjësitë?”, tha Ahmetaj.
Ahmetaj tha se ka dy fusha përplasjesh në demokraci, parlamenti dhe zgjedhjet, teksa bëri thirrje që opozita të largohet nga dhuna./Opinion.al
